AQShning Jeksonvill shahrida Toshkent vaqti bilan 10-aprel tongida UFC 273 musobaqasi bo‘lib o‘tdi.
MMA oqshomining asosiy kardida yarim o‘rta vazn toifasi vakillari Hamzat Chimayev (11-0) va Gilbert Byorns (20-5) o‘zaro to‘qnash keldi.
Birinchi raundda ustunlik kelib chiqishi chechenistonlik bo‘lgan Chimayev tomonida bo‘ldi. Ikkinchi besh daqiqalikda vaziyat tenglashdi, Gilbert raqibini ikki bor muvozanatdan chiqarishga ham muvaffaq bo‘ldi.
Uchinchi raundda Hamzat faolroq harakat qildi va yakunda hakamlarning yakdil qaroriga ko‘ra g‘oliblikni qo‘lga kiritdi. Shu tariqa Chimayev UFC’dagi g‘alabali seriyasini beshta jangga yetkazdi.
Qayd etish kerak, Byorns yarim o‘rta vazn toifasi reytingida ikkinchi raqamli yakkakurashchi hisoblanadi. Undan oldinda faqat Kolbi Kovington va chempion Kamaru Usmon bor. Chimayev esa divizionning 11-raqamli jangchisi edi.
Izoh (0)