«ПСЖ» ҳужумчиси Килиан Мбаппе Франция чемпионати доирасида «Клермон»га қарши кечган баҳсда (6:1) ҳет-трик муаллифига айланди.
23 ёшли футболчи Франция чемпионатидаги голлари сонини 125 тага етказиб олди. Сўнгги 50 йилда фақат Рауль Гонсалес 24 ёшгача топ-5 лигаларда ушбу кўрсаткични қайд эта олган.
Килиан Франция чемпионати жорий мавсумида 20 та гол урган ҳолда тўпурарлар пойгасида етакчилик қилмоқда. Шунингдек, унинг ҳисобида 14 та голли узатма ҳам бор ва Мбаппе бу борада ҳам Лига 1 да етакчи бўлиб турибди.
Мбаппенинг парижликлар билан амалдаги шартномаси 2022 йилнинг ёзида ўз ниҳоясига етади. «ПСЖ» футболчини ушлаб қолиш учун катта маош ва бонуслар ваъда қилмоқда. Бироқ Килианнинг ўзи «Реал»га вариантини маъқул кўряпти. Аввалроқ француз ОАВ Килиан «ПСЖ»да қолишга қарор қилгани ва бу ҳақда май ойида эълон қилиниши ҳақида хабар қилганди.
Изоҳ (0)