Musa Jamanboyev Qirg‘izistonning O‘zbekistondagi elchisi etib tayinlandi. Qirg‘iziston prezidenti Sadir Japarov bu boradagi tegishli farmonni imzolagan.
Musa Jamanboyev bungacha davlat rahbarining protokol xizmati rahbari lavozimida faoliyat yuritgan.
Eslatib o‘tamiz, 2018-yilning dekabridan buyon Qirg‘iziston elchixonasiga rahbarlik qilgan Ibrahim Junusov 2021-yil dekabrida lavozimdan olingan edi.
O‘zbekiston prezidenti Shavkat Mirziyoyev 8-aprel kuni Qirg‘iziston prezidenti Sadir Japarov bilan telefon orqali muloqot qilgandi. Muloqot davomida tomonlar o‘zaro manfaatli hamkorlikning ustuvor yo‘nalishlarini ilgari surishga, shu jumladan, O‘zbekiston—Qirg‘iziston taraqqiyot jamg‘armasi faoliyatini boshlash, Qambarota 1-gidroelektr stansiyasi va Xitoy—Qirg‘iziston—O‘zbekiston temiryo‘lini qurish bo‘yicha infratuzilmaviy loyihalarni jadallashtirish, sanoat kooperatsiyasini kengaytirishga alohida e’tibor qaratgan.
Izoh (0)