Bugun,

  • USD 11014.01
  • RUB 191.8
  • EUR 10674.78

31-mart kuni O‘zbekistonning Misrdagi favqulodda va muxtor elchisi Mansur Qilichyev Misr prezidenti Abdulfattoh As-Sisiga ishonch yorliqlarini topshirdi. Bu haqda Tashqi ishlar vazirligi matbuot xizmati xabar berdi.

Ma’lum qilinishicha, tantanali tadbir Qohiradagi “Al-Ittihodiya” prezident saroyida bo‘lib o‘tgan. Ishonch yorliqlarini topshirish marosimida faxriy qorovul saf tortgan. O‘zbekiston elchisi sharafiga davlat madhiyasi yangragan.

Qisqa suhbat chog‘ida Misr rahbari prezident Shavkat Mirziyoyevga o‘zining samimiy salomi va ezgu tilaklarini yo‘llab, Misr tomoni O‘zbekiston bilan barcha sohalarda do‘stlik va hamkorlik munosabatlarini yanada rivojlantirish hamda mustahkamlash istagini yana bir bor bildirgan.

O‘zbekiston—Misr o‘rtasidagi hamkorlikni yanada mustahkamlash, shuningdek, Misr prezidentining 2018-yil 4—5-sentabr kunlari mamlakatga rasmiy tashrifi chog‘ida oliy darajadagi muzokaralarda erishilgan kelishuvlarni amalga oshirish yuzasidan fikr almashilgan.

Eslatib o‘tamiz, Mansur Qilichyev Senatning 2021-yil 8-oktabrdagi tegishli qaroriga muvofiq O‘zbekistonning Misrdagi favqulodda va muxtor elchisi etib tayinlangandi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi