Toshkent shahri Yashnobod tumanida 8-aprel kuni yuk mashinasining konteyneri yerga qulab tushdi. Bu haqda Yo‘l harakati xavfsizligi xizmati xabar qildi.
Qayd etilishicha, holat 8-aprel kuni soat 16:30 larda tumanning Maxtumquli ko‘chasida sodir bo‘lgan. Haydovchi Y.S. (1955-yilda tug‘ilgan) MAZ-54323 yuk avtomobiliga ulangan yarim tirkamaga konteyner ortib harakatlanib ketayotgan bo‘lgan. Ortilgan konteynerning tepa qismi ushbu ko‘chadan kesib o‘tgan ko‘prikka tegib qolgan. Konteynerning bir tomoni yarim tirkama ustidan yerga tushgan.
Hodisa oqibatida tan jarohati olgan fuqarolar yo‘q. Holat yuzasidan Toshkent shahar IIBB YHXB va yo‘lga mas’ul idora xodimlari tomonidan tegishli hujjatlar rasmiylashtirilgan.
Izoh (0)