“Barselona” futbolchisi Usmon Dembele “Chelsi”ning taklifini rad etdi.
Bu haqida jurnalist Xavyer Matalyanas ma’lum qildi. “Chelsi” yozda fransiyalik futbolchini erkin agent sifatida o‘z safiga qo‘shib olmoqchi edi.
Usmonning o‘zi katalonlar safida qolishga tayyorligini bildirgandi.
Ma’lumot uchun, Dembele yanvar oyida klub taklif qilgan shartnomani imzolamasligi va yozda erkin agent maqomida jamoani tark etish niyatida ekanini ma’lum qilgandi, kataloniyaliklar esa qishki transfer oynasida futbolchi sotilmasa, mavsumning qolgan qismini zaxira o‘rindig‘ida o‘tkazishini xabar qilgandi.
Dembele tufayli “Barselona” prezidenti Xoan Laporta va Xavi o‘rtasida kelishmovchilik yuzaga kelgani aytildi. Keyinchalik rahbariyat bu borada Xaviga to‘la erkinlik berdi va murabbiy 24 yoshli futbolchidan mavsum oxirigacha o‘zi istaganidek foydalanishiga ruxsat berdi.
Dembele joriy mavsum La Ligada 13 ta o‘yinda maydonga tushib, 10 ta golli uzatma va bitta golga mualliflik qildi.
Izoh (0)