Braziliya terma jamoasi Pep Gvardiolani bosh murabbiy etib tayinlamoqchi.
Braziliya futbol federatsiyasi (CBF) JCh—2022 dan so‘ng terma jamoadan ketadigan Tite o‘rniga “Manchester Siti” ustozini munosib nomzod deb hisoblaydi. Federatsiya allaqachon ispaniyalik mutaxassisning ukasi va agenti Pere Gvardiola bilan bog‘langan.
Pepga JCh—2026 ga qadar mo‘ljallangan shartnoma va soliqlardan tashqari yiliga 12 million yevro maosh taklif qilmoqda. CBF Gvardiola bilan kelishuvga erishishiga ishonmoqda.
Avvalroq, Tite mundialdan so‘ng Braziliya terma jamoasini tark etishini ma’lum qilgandi.
Ma’lumot uchun, Tite Braziliya terma jamoasini 2016-yildan buyon boshqarib kelmoqda. Jamoa uning qo‘l ostida 2019-yilgi Kopa Amerikada g‘olib bo‘ldi. “Pentakampeonlar” Titening qo‘l ostida 70 o‘yin o‘tkazib, 52 g‘alaba, 13 durang va 5 mag‘lubiyat qayd etgan.
Braziliya Janubiy Amerika mintaqasidan Qatar—2022 yo‘llanmasiga ega chiqqan ilk jamoa bo‘lgandi.
Izoh (0)