«Барселона» футболчиси Усмон Дембеле «Челси»нинг таклифини рад этди.
Бу ҳақида журналист Хавьер Матальянас маълум қилди. «Челси» ёзда франциялик футболчини эркин агент сифатида ўз сафига қўшиб олмоқчи эди.
Усмоннинг ўзи каталонлар сафида қолишга тайёрлигини билдирганди.
Маълумот учун, Дембеле январь ойида клуб таклиф қилган шартномани имзоламаслиги ва ёзда эркин агент мақомида жамоани тарк этиш ниятида эканини маълум қилганди, каталонияликлар эса қишки трансфер ойнасида футболчи сотилмаса, мавсумнинг қолган қисмини захира ўриндиғида ўтказишини хабар қилганди.
Дембеле туфайли «Барселона» президенти Хоан Лапорта ва Хави ўртасида келишмовчилик юзага келгани айтилди. Кейинчалик раҳбарият бу борада Хавига тўла эркинлик берди ва мураббий 24 ёшли футболчидан мавсум охиригача ўзи истаганидек фойдаланишига рухсат берди.
Дембеле жорий мавсум Ла Лигада 13 та ўйинда майдонга тушиб, 10 та голли узатма ва битта голга муаллифлик қилди.
Изоҳ (0)