Professional boksning yengil vazn toifasida harakat qilayotgan o‘zbekistonlik Elnur Abduraimov (8-0, 7 KO) 7-may kuni Las-Vegasda (AQSh) professional ringda o‘zining navbatdagi jangini o‘tkazadi.
Elnurning raqibi kubalik Manuel Korrea (11-0, 7 KO) bo‘ladi. Bu haqida Matchroom ma’lum qildi.
Mazkur boks kechasining asosiy jangida super o‘rta vazn toifasi mutlaq chempioni Saul Alvares (57-1-2, 39 KO) rossiyalik yengilmas charm qo‘lqop ustasi Dmitriy Bivolga (19-0, 11 KO) qarshi jang qiladi. Jang yarim og‘ir vazn toifasida o‘tkaziladi.
Abduraimov oxirgi jangini dekabr oyida Toshkentda o‘tgan boks kechasida o‘tkazib, unda filippinlik Jon Geminoni taslim etgan. Manuel Korrea esa fevral oyida braziliyalik Marselo Uilyams ustidan g‘alaba qozongan.
Shuningdek, shu kuni yana bir o‘zbekistonlik bokschi Shahram G‘iyosov (12-0, 9 KO) meksikalik Kristian Gomesga (22-2-1, 20 KO) qarshi ringga ko‘tariladi.
Izoh (0)