O‘zbekistonlik himoyachi Ibrohimxalil Yo‘ldoshev “Nijniy Novgorod”ning mart oyidagi eng yaxshi futbolchisi deb topildi.
Yo‘ldoshevga so‘rovnoma ishtirokchilarining 55 foizi ovoz bergan. Keyingi o‘rinlarda Artur Nigmatulin (30%) va Kirill Kotsuk (7%) qayd etilgan.
Ibrohimxalil mart oyida jamoa safida to‘rtta o‘yinda ishtirok etdi (uchta RPL va bitta kubok doirasida). Barcha uchrashuvlarda to‘liq harakat qilgan futbolchi “Spartak M”ga qarshi bahsda jamoasiga bir ochko keltirgan golni urgandi.
21 yoshli futbolchi 2021-yilning yozida “Paxtakor”dan “Nijniy Novgorod” safiga borib qo‘shilgandi. Himoya 2021/22-yilgi mavsumda Rossiya chempionatida 17 ta o‘yin o‘tkazib, bittadan gol va golli uzatma muallifiga aylandi.
Izoh (0)