Futzal bo‘yicha O‘zbekiston milliy terma jamoasi Osiyo Kubogi saralash bosqichida ishtirok etadigan futzalchilar ro‘yxatini e’lon qildi.
O‘zbekiston milliy terma jamoasi 7-aprel, payshanba kuni Osiyo Kubogi saralash o‘yinlarida ishtirok etish uchun Qirg‘izistonning Bishkek shahriga jo‘nab ketadi. Bosh murabbiy Bahodir Ahmedov mazkur bosqich uchrashuvlariga quyidagi futzalchilarni jalb qildi:
Darvozabonlar: Abbos Elmurodov, Ravshan Eliboyev.
O‘yinchilar: Ixtiyor Ropiyev, Mashrab Odilov, Anasxon Rahmatov, Ilhom Hamroyev, Husniddin Nishonov, Dilshod Rahmatov, Davron Choriyev, Xayrulla Solihov, Elbek To‘lqinov, Davlat Ibragimov, Akbar Usmonov, Muzaffar Ahadjonov.
Uchrashuvlar 10—12-aprel kunlari o‘tkaziladi. O‘zbekistonliklar ushbu bosqichdagi ishtirokini 10-aprel kuni Nepal terma jamoasiga qarshi o‘yin bilan boshlaydi.
Izoh (0)