Suratga olish maydonchasida yuz bergan va shu vaqtgacha hech kim bilmagan qiziqarli holatlar

Sevimli film va seriallarimizni tomosha qilganimizda, ular qanday suratga olingani haqida deyarli o‘ylamaymiz. Ammo chiroyli kartina va qiziqarli voqea ortida bir necha oylik mashaqqatli mehnat yotadi. Ba’zida suratga olish maydonchasida sodir bo‘ladigan voqealar film yoki serialning o‘zidan kam dramatik va hayratlanarli bo‘lishi mumkin.

“Titanik” filmini suratga olish jarayoni juda cho‘zilib ketganidan Leonardo Di Kaprio o‘zini juda baxtsiz his qilgan

Jek va Rouzning sevgi hikoyasi asrlar davomida saqlanib qoladigan voqealardan biridir. Lekin kinofilmni suratga olish oson bo‘lmagan. Intervyularining birida Leonardo Di Kaprio film ustida ishlash jarayonida stressga tushgani va o‘zini baxtsiz his qilganidan shikoyat qilgan.

Yaqinda Keyt Uinslet ham cho‘zilib ketgan suratga olish ishlari hech kim uchun yoqimli bo‘lmaganini tan olgan.

Yaqinda bo‘lib o‘tgan “Do‘stlar: uchrashuv” ko‘rsatuvi Enistonga hayotidagi eng qiyin davrni eslatib yuborgan

“Do‘stlar”ning 6 ta asosiy qahramoni 17 yildan so‘ng suratga olish maydonchasida yana uchrashganlarida qanday nostalji va tuyg‘ularni boshdan kechirganini tasavvur qilish mumkin. Jennifer Eniston bu “vaqt sayohati” unga oson bo‘lmaganini tan oldi. Bundan tashqari, 10 yil davomida Reychel Grin rolini o‘ynagan aktrisaning aytishicha, sodir bo‘layotgan voqealar unga o‘tmishni va ayniqsa, hayotining eng og‘ir davrini eslatib yuborgan.

Enn Xeteuey homiladorligini hammadan sir saqlagan

Ko‘pchilik bilan ishlaganda homiladorlikni yashirish oson emas. Ammo Enn Xeteuey 1-uchoylikda ikkinchi farzandini kutayotganini hech kimga aytmaganini tan oldi. 2-uchoylikda u bu yangilikni faqat “Jodugarlar” filmida u bilan birga ishlagan bir necha kishi bilan bo‘lishgan. “Kostyumim hali ham qomatimga mos edi, shuning uchun bu haqda hammaga xabar berishim shart emas edi”, deydi aktrisa.

Zoi Deshanel va Jeyk Jonson tezda “til topishib olgani” tufayli rejissor ancha qiynalgan

2012-yilda Zoi Deshanel u va uning hamkasbi Jeyk Jonson o‘rtasida suratga olish paytida munosabatlar chuqurlashib ketganini tan olgan. “Yangi qiz” filmi mualliflari ularni bir-biridan “uzoq tutishlari”ga to‘g‘ri kelgan: ular bir necha fasl davomida bir-birlarini asta-sekin sevib qolishlari kerak edi, ammo ular o‘rtasida birdaniga paydo bo‘lgan yaqinlik ssenariyga xalal bergan.

Eng mashhur sahnani suratga olish Emma Stounning asabiylashishiga olib kelgan

2011-yilgi “Bu ahmoqona sevgi” romantik komediyasining bir sahnasida Rayan Goslingning qahramoni tomoshabinlarni hayajonga solish uchun Emma Stounni boshi uzra ko‘tarishi kerak edi. Ammo muammo yuzaga keladi: Emma Stoun birov uni ko‘tarishidan qo‘rqardi.

Aktrisaning aytishicha, bu qo‘rquv bolalik xotiralari bilan bog‘liq — yoshligida gimnastika bo‘yicha murabbiyining qo‘lidan tushib ketishi natijasida ikkala qo‘lini sindirib olgan. Yaxshiyamki, Emma qo‘rquvini yengishga muvaffaq bo‘ldi va bu sahna filmning ajralmas qismiga aylandi.

Uill Smit suratga olish maydonchasida partnyorini sevib qolgan

Uill Smit o‘z xotiralarida 1993-yilda “Begonalashishning olti darajasi” komedik dramasini suratga olish chog‘ida hamkasbi Stokard Chenningni sevib qolganini va hatto syomkadan tashqarida ham obrazdan chiqolmaganini aytgan. Shunday bo‘lishiga qaramay Uill aktrisa bilan faqat ish yuzasidangina munosabatda bo‘lgan. O‘sha paytda endigina oila qurgan aktyorning o‘g‘illi bo‘lganiga ko‘p bo‘lmagandi.