Суратга олиш майдончасида юз берган ва шу вақтгача ҳеч ким билмаган қизиқарли ҳолатлар

Севимли фильм ва сериалларимизни томоша қилганимизда, улар қандай суратга олингани ҳақида деярли ўйламаймиз. Аммо чиройли картина ва қизиқарли воқеа ортида бир неча ойлик машаққатли меҳнат ётади. Баъзида суратга олиш майдончасида содир бўладиган воқеалар фильм ёки сериалнинг ўзидан кам драматик ва ҳайратланарли бўлиши мумкин.

«Титаник» фильмини суратга олиш жараёни жуда чўзилиб кетганидан Леонардо Ди Каприо ўзини жуда бахтсиз ҳис қилган

Жек ва Роузнинг севги ҳикояси асрлар давомида сақланиб қоладиган воқеалардан биридир. Лекин кинофильмни суратга олиш осон бўлмаган. Интервьюларининг бирида Леонардо Ди Каприо фильм устида ишлаш жараёнида стрессга тушгани ва ўзини бахтсиз ҳис қилганидан шикоят қилган.

Яқинда Кейт Уинслет ҳам чўзилиб кетган суратга олиш ишлари ҳеч ким учун ёқимли бўлмаганини тан олган.

Яқинда бўлиб ўтган «Дўстлар: учрашув» кўрсатуви Энистонга ҳаётидаги энг қийин даврни эслатиб юборган

«Дўстлар»нинг 6 та асосий қаҳрамони 17 йилдан сўнг суратга олиш майдончасида яна учрашганларида қандай носталжи ва туйғуларни бошдан кечирганини тасаввур қилиш мумкин. Женнифер Энистон бу «вақт саёҳати» унга осон бўлмаганини тан олди. Бундан ташқари, 10 йил давомида Рейчел Грин ролини ўйнаган актрисанинг айтишича, содир бўлаётган воқеалар унга ўтмишни ва айниқса, ҳаётининг энг оғир даврини эслатиб юборган.

Энн Хетеуэй ҳомиладорлигини ҳаммадан сир сақлаган

Кўпчилик билан ишлаганда ҳомиладорликни яшириш осон эмас. Аммо Энн Хетеуэй 1-учойликда иккинчи фарзандини кутаётганини ҳеч кимга айтмаганини тан олди. 2-учойликда у бу янгиликни фақат «Жодугарлар» фильмида у билан бирга ишлаган бир неча киши билан бўлишган. «Костюмим ҳали ҳам қоматимга мос эди, шунинг учун бу ҳақда ҳаммага хабар беришим шарт эмас эди», дейди актриса.

Зои Дешанел ва Жейк Жонсон тезда «тил топишиб олгани» туфайли режиссёр анча қийналган

2012 йилда Зои Дешанел у ва унинг ҳамкасби Жейк Жонсон ўртасида суратга олиш пайтида муносабатлар чуқурлашиб кетганини тан олган. «Янги қиз» фильми муаллифлари уларни бир-биридан «узоқ тутишлари»га тўғри келган: улар бир неча фасл давомида бир-бирларини аста-секин севиб қолишлари керак эди, аммо улар ўртасида бирданига пайдо бўлган яқинлик сценарийга халал берган.

Энг машҳур саҳнани суратга олиш Эмма Стоуннинг асабийлашишига олиб келган

2011 йилги «Бу аҳмоқона севги» романтик комедиясининг бир саҳнасида Райан Гослингнинг қаҳрамони томошабинларни ҳаяжонга солиш учун Эмма Стоунни боши узра кўтариши керак эди. Аммо муаммо юзага келади: Эмма Стоун биров уни кўтаришидан қўрқарди.

Актрисанинг айтишича, бу қўрқув болалик хотиралари билан боғлиқ — ёшлигида гимнастика бўйича мураббийининг қўлидан тушиб кетиши натижасида иккала қўлини синдириб олган. Яхшиямки, Эмма қўрқувини енгишга муваффақ бўлди ва бу саҳна фильмнинг ажралмас қисмига айланди.

Уилл Смит суратга олиш майдончасида партнёрини севиб қолган

Уилл Смит ўз хотираларида 1993 йилда «Бегоналашишнинг олти даражаси» комедик драмасини суратга олиш чоғида ҳамкасби Стокард Ченнингни севиб қолганини ва ҳатто съёмкадан ташқарида ҳам образдан чиқолмаганини айтган. Шундай бўлишига қарамай Уилл актриса билан фақат иш юзасидангина муносабатда бўлган. Ўша пайтда эндигина оила қурган актёрнинг ўғилли бўлганига кўп бўлмаганди.