The Rock nomi bilan tanilgan 228.31 qirotlik oq olmos may oyida Jenevadagi Christie’s auksioniga qo‘yiladi. Uning bahosi 20 va 30 mln dollar oralig‘ida.
Amerikaning Gemologiya instituti (GIA) tomonidan rangi G va sofligi VS1 darajada, ya’ni hech bir qo‘shimchasiz shaffof deb topilgan ushbu tosh GIA tomonidan baholangan noksimon shakldagi mavjud oq olmoslarning eng yirigi hisoblanadi.
Shuningdek, Christie’s’ning ma’lum qilishicha, u auksion tarixida ham eng yirik oq olmos bo‘ladi.
The Rock 1766-yildan beri Christie’s’ning butun dunyo do‘konlarida sotuvga qo‘yilgan afsonaviy qimmatbaho toshlar sirasiga qo‘shiladi.
Olmos bozori jonlangan, biz esa ushbu qimmatbaho toshning bahor mavsumida jahonning yirik kolleksionerlari e’tiboriga tushishiga ishonamiz, — deydi Christie’s xalqaro zeb-ziynatlar bo‘limi boshlig‘i Raxul Kadakiya.
Mazkur olmos 11-maygacha Jenevada taqinchoqlar savdosi bo‘yicha auksion uyining asosiy ziynatiga aylanadi.
Hozirgi kungacha ommaga ma’lum qilinib sotilgan eng yirik oq olmos og‘irligi 163,41 qirotni tashkil qiladi. U 2017-yilning noyabr oyida Jenevadagi Christie’s auksionida 33,7 mln dollarga sotilgan edi.
Auksionda sotilgan eng qimmat olmos, jumladan oq va rangli olmoslar, og‘irligi 59,6 qirot bo‘lgan “Pushti atirgul” hisoblanadi.
Oval shaklidagi pushti rangli qimmatbaho tosh 2017-yilning aprel oyida Gonkongdagi Sotheby’s auksionida 71,2 mln dollarga sotilgan.
Izoh (0)