Vazirlar Mahkamasining “Energetika vazirligi huzurida Milliy dispetcherlik markazi davlat unitar korxonasini tashkil etish to‘g‘risida”gi qarori qabul qilindi, deb xabar beradi Norma.
Markaz “O‘zbekiston milliy elektr tarmoqlari” AJ hamda “Hududiy elektr tarmoqlari” AJning milliy, regional va hududiy dispetcherlik funksiyalarini bajaradi.
Quyidagilar markazning asosiy vazifalari hisoblanadi:
- yagona elektr energetika tizimini operativ boshqarish va uning ishonchli ishlashini ta‘minlash;
- yagona elektr energetika tizimi tarkibiga kiruvchi korxonalarning dispetcherlik boshqaruvini amalga oshirish;
- elektr energiyasiga bo‘lgan talab va taklifdan kelib chiqib, uni ishlab chiqarish va iste‘mol qilishning har soatlik rejimini shakllantirish;
- yagona elektr energetika tizimining texnik va iqtisodiy jihatdan eng maqbul rejimlarda ishlashini ta‘minlash;
- yagona elektr energetika tizimining qo‘shni davlatlar energetika tizimlari bilan parallel ravishda ishlash rejimlarini boshqarish.
- elektr energiyasini ishlab chiqaruvchi va taqsimlovchi tashkilotlarga shartnoma asosida dispetcherlik xizmatini ko‘rsatishdan tushadigan mablag‘lar;
- xalqaro moliya tashkilotlari va xorijiy hukumat moliya tashkilotlari mablag‘lari;
- homiylik xayriyalari va qonunchilik hujjatlari bilan taqiqlanmagan boshqa manbalar.
Boshqaruv xodimlarinign umumiy cheklangan soni 259 nafar shtat birligidan iborat. Markazning asosiy boshqaruv pulti Yashnobod tumanidagi binoda, zaxira boshqaruv pulti esa Yunusobod tumanidagi binoda joylashadi.
Hujjat Qonun hujjatlari ma‘lumotlari milliy bazasida e’lon qilingan va 2022-yil 24-martdan kuchga kirgan.
Izoh (0)