Navoiy viloyati, Navoiy shahridagi Navoiy mehmonxonasi va Sarmish choyxonasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 7 qavatli mehmonxona va choyxona 696 xonadan iborat.
Yer uchastkasining umumiy maydoni 0,71 gektar. Umumiy yer maydoni — 7666 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan mehmonxona va choyxonaning boshlang‘ich bahosi — 18,47 mlrd so‘m. Arizalar 25-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot kimoshdi savdosiga fuqarolik ishlari sudi bilan Navoiy shahar MIB tomonidan qo‘yilgan.
Avvalroq Toshkent shahridagi hovli MIB tomonidan 1,6 mlrd so‘mga auksionga qo‘yilgani haqida xabar berilgan edi.
Izoh (0)