Ijtimoiy tarmoqlarda Andijon tumanida joylashgan mahallalarning birida elektr “shit” yonayotgani tasvirlangan video tarqaldi. Favqulodda vaziyatlar vazirligi holatga munosabat bildirib, yong‘in o‘chirilganini ma’lum qildi.
25-mart kuni soat 09:14 da tumanning “Guzar” MFYda joylashgan “Elektr tarmoqlari korxonasi”ga qarashli elektr tarqatish javonida yong‘in sodir bo‘layotgani to‘g‘risida Andijon tumani FVBga xabar kelib tushgan.
Shunga ko‘ra 2 ta yong‘in-qutqaruv ekipaji soat 09:21 da voqea joyiga yetib borgan, yong‘in soat 09:23 da qurshab olingan va soat 09:28 da bartaraf etilgan.
Yong‘in oqibatida elektr tarqatish javoni to‘liq yonib zararlangan. Yong‘in elektr tarqatish javonida yuklamaning ortishi natijasida sodir bo‘lgani taxmin qilinmoqda.
Ko‘ngilsiz hodisa oqibatida jabrlangan va halok bo‘lganlar yo‘q.
Avvalroq Toshkentda elektr podstansiyasidagi transformator yonib ketgandi.
Izoh (0)