Toshkent xalqaro investitsiya forumida turizm sohasiga investitsiyalarni jalb qilish mavzusida panel muhokamasi bo‘lib o‘tdi. Forumda Uzbekistan Airports boshqaruv kengashi raisi Ra’no Jo‘rayeva bir qator savollarga javob berdi.
Uning so‘zlariga ko‘ra, Samarqand aeroporti zamonaviy va ma’lum darajada eksperimental loyihadir.
Ushbu forum mamlakat taraqqiyoti uchun olamshumul voqea. Aeroportlar har bir hududda bor, ularning yaxshi faoliyat yuritishi turistik sohani rivojlantirish uchun juda muhim, — deya ta’kidladi Uzbekistan Airports boshqaruv kengashi raisi Ra’no Jo‘rayeva.Forumda loyiha 150 mln dollarga tushgani va yangi terminal 1-apreldan boshlab to‘liq xalqaro reyslarga xizmat ko‘rsatishni boshlashi aytildi. Bundan tashqari, hududiy qatnovlar doirasida 40 ga yaqin yo‘nalishlar ochilishi rejalashtirilmoqda.
Samarqand aeroporti loyihasi davlat va xususiy hamkorlar investitsiyalaridan foydalanib amalga oshirildi, — dedi u.Avvalroq, 18-mart kuni aeroport majmuasining tantanali ochilish marosimi bo‘lib o‘tgan edi. Yangi terminal qurish loyihasi Air Marakanda va davlat hamkori Uzbekistan Airports o‘rtasida O‘zbekiston aviatsiya tarixidagi birinchi davlat-xususiy sheriklik kelishuvi doirasida amalga oshirildi.
Yangi terminal rejalashtirilgan reyslar sonini haftasiga 40 tadan 120 tagacha oshirish imkonini beradi, perronning modernizatsiya qilinishi esa samolyotlar to‘xtash joylari sonini 24 taga yetkazdi.
Izoh (0)