Samarqand shahrida internet orqali biznes qilishni o‘rgatishini fuqarolarning katta miqdorda pul mablag‘larini olib, va’dasini bajarmagan korxona mas’ullari ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Samarqand shahar bo‘limi tomonidan tergovga qadar tekshiruv o‘tkazilgan. Unda fuqaro M.A. va boshqalar “L-N.S” xususiy korxonasini tashkil etib, fuqarolarni internet tarmog‘i orqali biznes qilishga o‘rgatish niqobi ostida faoliyat yuritishib, ularga va’da qilingan mahsulotlarni yetkazib bermasdan yoki chet elga turistik sayohatlarni tashkil etmagani aniqlangan. Ular jami 110 nafar fuqaroning 29 ming 148 dollari va 349,1 million so‘mini firibgarlik yo‘li bilan qo‘lga kiritgan.
Holat yuzasidan Jinoyat kodeksining 168-moddasi (firibgarlik) va 188-1-moddasi (pul mablag‘larini va (yoki) boshqa mol-mulkni jalb etishga doir noqonuniy faoliyat) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Chinozda moliyaviy piramida tuzgan yana bir “Ahmadboy” ushlanib, qamoqqa olindi
- Toshkentda yiliga 260 foizgacha foyda ko‘rishni va’da qilgan Golden Cash Store moliyaviy piramidasi tafsilotlari oshkor qilindi
- Chirchiqda 700 mln so‘m ipoteka krediti olib berish uchun 20 mln so‘m olgan soxta bank xodimi ushlandi
Izoh (0)