Самарқанд шаҳрида интернет орқали бизнес қилишни ўргатишини фуқароларнинг катта миқдорда пул маблағларини олиб, ваъдасини бажармаган корхона масъуллари ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Самарқанд шаҳар бўлими томонидан терговга қадар текширув ўтказилган. Унда фуқаро М.А. ва бошқалар «Л-Н.С» хусусий корхонасини ташкил этиб, фуқароларни интернет тармоғи орқали бизнес қилишга ўргатиш ниқоби остида фаолият юритишиб, уларга ваъда қилинган маҳсулотларни етказиб бермасдан ёки чет элга туристик саёҳатларни ташкил этмагани аниқланган. Улар жами 110 нафар фуқаронинг 29 минг 148 доллари ва 349,1 миллион сўмини фирибгарлик йўли билан қўлга киритган.
Ҳолат юзасидан Жиноят кодексининг 168-моддаси (фирибгарлик) ва 188-1-моддаси (пул маблағларини ва (ёки) бошқа мол-мулкни жалб этишга доир ноқонуний фаолият) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
Изоҳ (0)