Sanitariya epidemiologik osoyishtalik va jamoat salomatligi xizmati boshlig‘ining maslahatchisi pora olayotgan vaqtda huquqni muhofaza qiluvchi organlar tomonidan qo‘lga olingan. Bu haqda Toshkent shahar ichki ishlar boshqarmasi matbuot xizmati “Daryo”ga ma’lum qildi.
Ma’lum qilinishicha, Sanitariya epidemiologik osoyishtalik va jamoat salomatligi xizmatining mas’ul xodimi M.B. fevral oyi boshida Uchtepa tumanida tanishi N.X.ni ishga kiritib qo‘yish vaji bilan 700 dollarni olgan vaqtida ushlangan.
Unga nisbatan Jinoyat kodeksining 168-moddasi (firibgarlik) va 28-moddasi (jinoyat ishtirokchilaring turlari) va 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari davom etmoqda
Avvalroq Korrupsiyaga qarshi kurashish agentligi direktori Akmal Burxonov 2021-yilda eng ko‘p korrupsion holatlar sog‘liqni saqlash tizimida ekanligini aytib o‘tgan edi.
Izoh (0)