“Hududgaz Samarqand” gaz ta’minoti filialining “Tayloqtumangaz” bo‘limida konditsionerdan suyuqlik otilib chiqishi natijasida uch kishi kuyish tan jarohati olgan. Bu haqda “Daryo” muxbiri Farhod Norbo‘tayev xabar berdi.
Aytilishicha, voqea 2022-yilning 18-mart kuni soat, taxminan, 15:00 da sodir bo‘lgan.
Samarqand viloyat Favqulodda vaziyatlar boshqarmasi axborot xizmati rahbari Ilhom Boqiyevning “Daryo”ga muxbiriga ma’lum qilishicha, sodir bo‘lgan holat bo‘yicha hech qanday xabar kelib tushmagan.
“Tayloqtumangaz” bo‘limi rahbari Bekzod Sharopovning aytishicha, voqea joyida yong‘in va chaqnash holati bo‘lmagan. Sodir bo‘lgan voqea ortidan “Tayloqtumangaz” bo‘limining bir nafar xodimi hamda ikki nafar iste’molchi kuyish tan jarohati olgan.
“Jabrlanuvchilar tuman tez tibbiy yordam bo‘limiga yotqizilgan. Hozirda holat yuzasidan Tayloq tumanidagi huquqni muhofaza qiluvchi organlar tomonidan surishtiruv ishlari olib borilmoqda. Jabrlanuvchilarga insoniylik jihatdan nima yordam kerak bo‘lsa, nima dori-darmonlar zarur bo‘lsa, hammasini olib berib, ikkita xodimni ham navbatchi qilib qo‘yganmiz”, — deydi Bekzod Sharopov.
Samarqand viloyat IIB axborot xizmati rahbari Jahongir Sagdullayev holat yuzasidan batafsil ma’lumot berishini ma’lum qildi.
Mavzuga doir:
- “O‘g‘li otasiga yordam bermoqchi bo‘lgan va u ham 20 foiz kuygan”. Qashqadaryoda yashin urish holati yuzasidan qo‘shimcha ma’lumot berildi
- Toshkentdagi korxona yotoqxonasida sodir bo‘lgan portlash yuzasidan jinoyat ishi qo‘zg‘atilib, 3 kishi qamoqqa olingan
- Farg‘onada gaz ballon tashuvchi avtomashinada yong‘in sodir bo‘ldi (video)
Izoh (0)