Toshkent viloyati, Bo‘stonliq tumani, Soyliq aholi punktida joylashgan dala hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Yashnobod tumani MIB tomonidan joylashtirilgan. 1998-yilda qurilgan 2 qavatli dala hovli 35 xonadan iborat.
Yer uchastkasining umumiy maydoni 0,56 gektar. Binoning maydoni — 849 kvadrat metr. Dala hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan dala hovlining boshlang‘ich bahosi — 7,7 mlrd so‘m. Arizalar 18-aprel 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent shahridagi hovli MIB tomonidan 1,6 mlrd so‘mga auksionga qo‘yilgani haqida xabar berilgan edi.
Izoh (0)