Namangan viloyati Yangi Namangan tumanida 12-mart kuni tanishini aldab, yer olib berish uchun pul olgan shaxs jinoyat ustida qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, 12-mart kuni Yangi Namangan tumanida yashovchi fuqaro (1979-yilda tug‘ilgan) ariza bilan murojaat qilgan. Unda shu kuni Yangiqo‘rg‘on tumanida yashovchi tanishi (1980-yilda tug‘ilgan) uning ishonchiga kirib, Namangan shahar hududida joylashgan boshqa fuqaroga qarashli bog‘ maydonini o‘ziga qarashli ekanini, ushbu bog‘dan 4 sotixini yer uchastkasi sifatida ajratib, hujjatlarini rasmiylashtirib berishini aytganini bildirgan. U tanishi xizmati evaziga 6 ming dollar talab qilayotganini ma’lum qilib, chora ko‘rishni so‘ragan.
O‘tkazilgan tezkor tadbir davomida fuqaro Yangi Namangan tumani hududida joylashgan oshxonada arizachidan 6 ming dollar olganida ushlangan.
Holat bo‘yicha Jinoyat kodeksining 25,168-moddasi (firibgarlik sodir etishga suiqasd qilish) 2-qismi bilan jinoyat ishi qo‘zg‘atilgan.
Mavzuga doir:
Izoh (0)