Farg‘ona viloyati So‘x tumanida 17-mart kuni Ichki ishlar boshqarmasi xodimiga tan jarohati yetkazgan shaxsga jinoyat ishi qo‘zg‘atildi, deb xabar bermoqda viloyat IIB.
Qayd etilishicha, shu kuni tuman IIB profilaktika inspektorlari M.G‘ va T.I. YPX inspektori G.M. bilan birga “Rovon” mahallasi hududida xizmat olib borgan. Shu vaqtda haydovchi N.S. boshqaruvidagi Nexia-3 avtomashinasi to‘xtatilgan. Haydovchi mast holda profilaktika inspektorlari T.I. va M.G‘.ni haqorat qilib, ulardan biriga tan jarohati yetkazgan.
Holat yuzasidan Jinoyat kodeksining 277-moddasi 3-qismi “g” bandi (jamoat tartibini saqlash vazifasini bajarib turgan hokimiyat vakili yoki jamoatchilik vakiliga yoxud bezorilik harakatlarining oldini olish chorasini ko‘rgan boshqa fuqarolarga qarshilik ko‘rsatib sodir etilgan bezorilik) bilan jinoyat ishi qo‘zg‘atilgan. Sud tomonidan “qamoqqa olish” tarzidagi ehtiyot chorasi qo‘llangan.
Izoh (0)