Наманган вилояти Янги Наманган туманида 12 март куни танишини алдаб, ер олиб бериш учун пул олган шахс жиноят устида қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, 12 март куни Янги Наманган туманида яшовчи фуқаро (1979 йилда туғилган) ариза билан мурожаат қилган. Унда шу куни Янгиқўрғон туманида яшовчи таниши (1980 йилда туғилган) унинг ишончига кириб, Наманган шаҳар ҳудудида жойлашган бошқа фуқарога қарашли боғ майдонини ўзига қарашли эканини, ушбу боғдан 4 сотихини ер участкаси сифатида ажратиб, ҳужжатларини расмийлаштириб беришини айтганини билдирган. У таниши хизмати эвазига 6 минг доллар талаб қилаётганини маълум қилиб, чора кўришни сўраган.
Ўтказилган тезкор тадбир давомида фуқаро Янги Наманган тумани ҳудудида жойлашган ошхонада аризачидан 6 минг доллар олганида ушланган.
Ҳолат бўйича Жиноят кодексининг 25,168-моддаси (фирибгарлик содир этишга суиқасд қилиш) 2-қисми билан жиноят иши қўзғатилган.
Изоҳ (0)