“Chelsi” himoyachisi Antonio Ryudiger Angliya Premyer Ligasining 2021/22-yilgi mavsumdagi eng tezkor futbolchisi bo‘ldi.
“Aristokratlar” futbolchisining maksimal tezligi 24-turdan o‘rin olgan “Brayton”ga qarshi o‘yinda (1:1) 36,7 kilometr soatni tashkil etdi. Bu Premyer Liganing joriy mavsumdagi eng yuqori ko‘rsatkichidir.
Ryudiger bu ko‘rsatkich bo‘yicha soatiga 36,6 kilometr tezlikni qayd etgan Muhammad Saloh (“Liverpul”) va Adam Traoreni (“Vulperhempton”, qishki transferlar oynasi vaqtida ijara asosida “Barselona”ga o‘tgan — “Daryo”) ortda qoldirdi.
Qayd etish kerak, Traore ketma-ket uch mavsumdan beri ikkinchi o‘rinni egallab kelmoqda. U 2020/21-yilgi mavsumda 35,4 km/soat, 2019/20-yilgi mavsumda esa 37,6 km/soat tezlikda harakatlangan.
2021/22-yilgi mavsumda Adam Armstrong (“Sauthempton”) Premyer Liganing eng tezkor o‘yinchisi bo‘lgandi — 35,6 km/soat.
Ma’lumot uchun, Ryudiger 2017-yildan beri London klubida to‘p surib kelmoqda. U Angliya chempionatining joriy mavsumida 26 o‘yinda maydonga tushib, 2 ta golni o‘z nomiga yozdirib qo‘ygan.
Izoh (0)