O‘zbekiston milliy terma jamoasi va “Roma” hujumchisi Eldor Shomurodov otasiga Toyota Land Cruiser C300 avtomobilini sovg‘a qildi.
Futbolchi ayni kunlarda Navruz Cup—2022 musobaqasida qatnashish uchun O‘zbekistonda bo‘lib turibdi. Shomurodov ijtimoiy tarmoqlardagi rasmiy sahifalarida otasiga avtomobil sovg‘a qilgani haqida e’lon qilmagan bo‘lsa ham, yuqoridagi surat tarmoqda keng muhokama qilindi.
Ma’lumot uchun, Toyota Land Cruiser C300 avtomobilining taxminiy narxi 150 ming dollarni tashkil qiladi.
2021-yilning yozida “Roma”ga o‘tgan 26 yoshli futbolchi 2021/22-yilgi mavsum A Seriyada 21 ta o‘yin o‘tkazib, ikkita gol va uchta golli uzatma muallifiga aylandi.
Navruz Cup—2022 xalqaro o‘rtoqlik musobaqasi 25—29-mart kunlari Namangandagi “Markaziy” stadionida bo‘lib o‘tadi. Ushbu turnirda O‘zbekistondan tashqari Uganda, Tojikiston va Qirg‘iziston terma jamoalari ishtirok etadi.
Izoh (0)