“Manchester Yunayted” yozda “Roma” hujumchisi Temmi Abrahamni o‘z safiga qo‘shib olmoqchi.
Football Italia’ning xabar qilishicha, mankunianliklar mavsum oxirida 24 yoshli futbolchi transferi borasida “Roma”ga taklif bilan chiqishi mumkin.
“Qizil iblislar” barqaror o‘ynaydigan markaziy hujumchi qidirmoqda. Shunda Krishtianu Ronalduni o‘zi uchun noqulay bo‘lgan chiziqda o‘ynatishga hojat qolmaydi. Shuningdek, “Yunayted” Jeydon Sanchoning Abraham bilan qalin do‘stligi kelishuvga yordam berishidan umidvor.
“Roma” faqat moliyaviy tomondan juda foydali taklif bo‘lsagina inglizni sotishi mumkin.
2021-yilning yozida rimliklar Abraham uchun “Chelsi”ga 40 million yevro to‘lagandi. Shuningdek, turli bonuslar ham nazarda tutilgan. Tomonlar o‘rtasidagi shartnomaga ko‘ra, londonliklar klubida 2023-yilning yozidan boshlab Abrahamni 80 million yevroga sotib olish huquqi bo‘ladi.
Joriy mavsum Abraham “Roma” safida barcha musobaqalar doirasida 40 ta o‘yin o‘tkazib, 23 ta gol va to‘rtta golli uzatma muallifiga aylandi.
Eslatib o‘tamiz, Temmi “Roma”da Eldor Shomurodovning raqobatchisi hisoblanadi.
Izoh (0)