Roman Abramovich turk futbol klubini sotib olishi mumkin. Bu haqda CNN Turk nashriga tayanib, “Sports.ru” xabar berdi.
Qayd etilishicha, rossiyalik tadbirkor “Go‘ztepe” klubi egasi Mehmet Sepil bilan vositachilar orqali muzokaralar olib bormoqda. Yaqin orada Sepilning o‘zi Abramovichning vakili bilan uchrashishi kutilmoqda.
Sepil avvalroq klub prezidenti lavozimini tark etishini e’lon qilgan. “Go‘ztepe” joriy mavsumda qoniqarsiz natijalar ko‘rsatmoqda, Izmir klubi Turkiya chempionatida 30 o‘yinda 27 ochko jamg‘arib, 18-o‘rinda (20 ta jamoa orasida) o‘rinni egallab turibdi.
Eslatib o‘tamiz, 27-fevral kuni Abramovich Ukrainadagi vaziyat tufayli “Chelsi” boshqaruvini klub xayriya fondiga topshirdi. 3-mart kuni esa 2003-yildan beri boshqarib kelayotgan jamoasini sotishga qaror qilganini ma’lum qildi.
Abramovichga nisbatan qo‘llangan sanksiyalar tufayli “Chelsi” o‘y o‘yinlarga chipta sotish huquqidan mahrum qilindi. Shundan so‘ng klubning bosh homiysi jamoa bilan hamkorlikni to‘xtatdi. Bundan tashqari, “Chelsi”ning bank hisoblari ham muzlatildi.
Izoh (0)