Futbol bo‘yicha Yevropa Chempionlar Ligasi nimchorak final javob uchrashuvlaridan o‘rin olgan ikki bahs 16-mart, chorshanba kuni bo‘lib o‘tdi.
“Chelsi” Fransiyada “Lill” mehmoni bo‘ldi. Uchrashuvning 38-daqiqasida Burak Yilmaz penaltidan unumli foydalanib, hisobni ochdi. Birinchi bo‘lim so‘ngida Kristian Pulishich muvozanatni tikladi. 71-daqiqada Sezar Aspilikueta londonliklarning ikkinchi goliga mualliflik qildi.
Shu tariqa “aristokratlar” Chempionlar Ligasining 1/4 final bosqichiga yo‘l oldi. Fransuz jamoasi esa musobaqadagi ishtirokini yakunladi. Jamoalar o‘rtasidagi ilk bahsda “Chelsi” 2:0 hisobida g‘alaba qozongandi.
“Yuventus” esa “Vilyarreal” bilan bahs yuritdi. Ispan klubi 3:0 hisobida turinliklar ustidan g‘alaba qozondi. Mehmonlar safida Moreno, Torres va Danjuma o‘z hisobiga gol yozdirib qo‘ydi.
“Vilyarreal” musobaqa chorak finalining navbatdagi ishtirokchisiga aylandi. Massimiliano Allegri shogirdlari 1/8 finaldayoq o‘z yurishini to‘xtatishga majbur bo‘ldi. Jamoalar o‘rtasidagi dastlabki bahs 1:1 hisobi bilan yakunlangan edi.
Yevropa Chempionlar Ligasi
1/8 final, javob o‘yinlari
16-mart, chorshanba
“Lill” Fransiya– “Chelsi” Angliya 1:2
Gollar: 1:0 – 38 Yilmaz (penalti), 1:1 – 45 Pulishich, 1:2 – 71 Aspilikueta.“Lill”: Leo Jardim, Chelik (Vea, 58), Fonte, Botman (Onana, 58), Tiagu Jalo, Gudmundsson (Bradarich, 78), Andre, Sheka, Bamba (Gomes, 78), Yilmaz, Devid (Ben-Arfa, 77).
“Chelsi”: Mendi, Aspilikueta, Tiago Silva, Ryudiger, Kristensen (Chaloba, 33), Alonso, Kovachich (Maunt, 46), Jorjinyo (Loftus-Chik, 74), Kante, Pulishich (Lukaku, 74), Haverts (Ziyosh, 83).
Ogohlantirishlar: Chaloba (34), Gudmundsson (42), Fonte (90).
Dastlabki bahs — 0:2
“Yuventus” Italiya– “Vilyarreal” Ispaniya 0:3
Gollar: 0:1 – 78 Jerar Moreno (penalti), 0:2 – 85 Pau Torres, 0:3 – 90 Danjuma (penalti).“Yuventus”: Shchensni, Danilo, Rugani (Dibala, 79), de Ligt, De Shilyo, Kuadrado, Rabyo, Lokatelli (Bernardeski, 83), Artur, Morata (Kin, 86), Vlahovich.
“Vilyarreal”: Rulli, Orye, Albiol, Pau Torres, Estupinyan, Pino (Chukvueze, 65), Trigeros (Koklen, 64), Kapu, Parexo (Pedrasa, 86), Lo Chelso (Jerar Moreno, 74), Danjuma.
Ogohlantirish: de Ligt (90).
Dastlabki bahs — 1:1
Izoh (0)