Футбол бўйича Европа Чемпионлар Лигаси нимчорак финал жавоб учрашувларидан ўрин олган икки баҳс 16 март, чоршанба куни бўлиб ўтди.
«Челси» Францияда «Лилл» меҳмони бўлди. Учрашувнинг 38-дақиқасида Бурак Йилмаз пенальтидан унумли фойдаланиб, ҳисобни очди. Биринчи бўлим сўнгида Кристиан Пулишич мувозанатни тиклади. 71-дақиқада Цезарь Аспиликуэта лондонликларнинг иккинчи голига муаллифлик қилди.
Шу тариқа «аристократлар» Чемпионлар Лигасининг 1/4 финал босқичига йўл олди. Француз жамоаси эса мусобақадаги иштирокини якунлади. Жамоалар ўртасидаги илк баҳсда «Челси» 2:0 ҳисобида ғалаба қозонганди.
«Ювентус» эса «Вильярреал» билан баҳс юритди. Испан клуби 3:0 ҳисобида туринликлар устидан ғалаба қозонди. Меҳмонлар сафида Морено, Торрес ва Данжума ўз ҳисобига гол ёздириб қўйди.
«Вильярреал» мусобақа чорак финалининг навбатдаги иштирокчисига айланди. Массимилиано Аллегри шогирдлари 1/8 финалдаёқ ўз юришини тўхтатишга мажбур бўлди. Жамоалар ўртасидаги дастлабки баҳс 1:1 ҳисоби билан якунланган эди.
Европа Чемпионлар Лигаси
1/8 финал, жавоб ўйинлари
16 март, чоршанба
«Лилл» Франция– «Челси» Англия 1:2
Голлар: 1:0 – 38 Йилмаз (пенальти), 1:1 – 45 Пулишич, 1:2 – 71 Аспиликуэта.«Лилл»: Лео Жардим, Челик (Веа, 58), Фонте, Ботман (Онана, 58), Тиагу Жало, Гудмундссон (Брадарич, 78), Андре, Шека, Бамба (Гомес, 78), Йилмаз, Дэвид (Бен-Арфа, 77).
«Челси»: Менди, Аспиликуэта, Тиаго Сильва, Рюдигер, Кристенсен (Чалоба, 33), Алонсо, Ковачич (Маунт, 46), Жоржиньо (Лофтус-Чик, 74), Канте, Пулишич (Лукаку, 74), Ҳаверц (Зиёш, 83).
Огоҳлантиришлар: Чалоба (34), Гудмундссон (42), Фонте (90).
Дастлабки баҳс — 0:2
«Ювентус» Италия– «Вильярреал» Испания 0:3
Голлар: 0:1 – 78 Жерар Морено (пенальти), 0:2 – 85 Пау Торрес, 0:3 – 90 Данжума (пенальти).«Ювентус»: Шченсни, Данило, Ругани (Дибала, 79), де Лигт, Де Шилё, Куадрадо, Рабьо, Локателли (Бернардески, 83), Артур, Мората (Кин, 86), Влаҳович.
«Вильярреал»: Рулли, Орье, Альбиоль, Пау Торрес, Эступиньян, Пино (Чуквуэзе, 65), Тригерос (Коклен, 64), Капу, Парехо (Педраса, 86), Ло Чельсо (Жерар Морено, 74), Данжума.
Огоҳлантириш: де Лигт (90).
Дастлабки баҳс — 1:1
Изоҳ (0)