“Borussiya D” hujumchisi Erling Holand “Manchester Siti”ga o‘tsa, APLdagi eng ko‘p maosh oladigan futbolchiga aylanadi.

“Shaharliklar” 21 yoshli futbolchi uchun haftasiga 500 ming funt maosh va’da qilmoqda, deya xabar beradi Daily Mail. Bu Erlingni APLning eng ko‘p maosh oluvchi futbolchisiga aylantiradi.

Hozirgi kunda Premyer Ligada Krishtianu Ronaldu (“Manchester Yunayted”) va Kevin de Bryuyne (“Manchester Siti”) eng ko‘p maosh oluvchi futbolchilar hisoblanadi. Ikkala o‘yinchi ham haftasiga 385 ming funt maosh oladi.

“Manchester Siti” Holandning mart oyi oxiriga qadar kelajagi borasida qaror qabul qilishiga umid qilmoqda.

Avvalroq Hujumchi faoliyatini La Ligada davom ettirmoqchiligi, shuning uchun “Real” yoki “Barselona” variantini ko‘rib chiqishi haqida xabar chiqqandi. “Real” Erling Holand bilan dastlabki kelishuvga erishgani, bu kelishuvdan keyin Holandning vakillari boshqa klublar bilan muzokara olib borolmasligi xabar qilingandi. “Barselona” esa hujumchini klubning eng ko‘p maosh oluvchi futbolchisiga aylantirmoqchi ekani aytilgandi. Kataloniyaliklar prezidenti Xoan Laporta va Mino Rayola Erling Holand transferini muhokama qilgani ham ma’lum bo‘lgandi.

21 yoshli hujumchi joriy mavsum “Borussiya D” safida 20 ta o‘yin o‘tkazib, 23 ta golga mualliflik qildi.