Futbol bo‘yicha Angliya chempionatining bir qator qoldirilgan o‘yinlari 16-mart, chorshanba kuni bo‘lib o‘tdi.
“Tottenhem” qoldirilgan 16-turda “Brayton” bilan bahs olib bordi va 2:0 hisobida g‘alaba qozondi. “Shporlar”ning dastlabki goliga Kristian Romero mualliflik qilgan bo‘lsa, Harri Keyn uchrashuvdagi ikkinchi golni urdi.
Londonliklar ushbu g‘alabadan so‘ng ochkolari sonini 48 taga yetkazdi va 7-o‘rinda bormoqda. “Brayton” 33 ochko bilan 13-pog‘onadan joy olgan.
“Liverpul” 27-turdan o‘rin olgan o‘yinda “Arsenal”ga qarshi maydonga tushdi. Uchrashuvning 54-daqiqasida Diogu Jota hisobni ochdi. 62-daqiqada Roberto Firmino mersisaydliklarning ikkinchi goliga mualliflik qildi.
Ushbu g‘alabadan keyin Yurgen Klopp shogirdlari ochkolari sonini 69 taga yetkazdi va 2-o‘rinda joylashgan. “Arsenal” 51 ochko bilan 4-o‘rinni band etib turibdi.
APL
Qoldirilgan o‘yinlar
16-mart, chorshanba
16-tur
“Brayton” — “Tottenhem” 0:2
Gollar: 0:1 – 37 Romero, 0:2 – 57 Keyn.“Brayton”: Sanches, Veltman (Moder, 78), Daffi, Dank, Kukurelya, Gross (Lempti, 78), March, Bissuma (Uelbek, 62), Mak Allister, Trossard, Mope.
“Tottenhem”: Lyoris, Doerti (Emerson, 80), Dayer, Devis, Romero, Regilon, Son (Lukas Moura, 80), Hyoybyerg, Bentankur, Kulusevski (Bergveyn, 90), Keyn.
Ogohlantirishlar: Mope (7), Regilon (43), Veltman (45), Romero (54).
27-tur
“Arsenal” — “Liverpul” 0:2
Gollar: 0:1 – 54 Diogu Jota, 0:2 – 62 Firmino.“Arsenal”: Remsdeyl, Soaresh, Gabriel, Uayt, Tirni, Jaka, Parti, Edegor (Smit-Rou, 67), Lyakazett (Nketia, 80), Martinelli, Saka (Pepe, 74).
“Liverpul”: Alisson, Aleksander-Arnold, Matip, van Deyk, Robertson, Henderson, Tiago Alkantara (Jons, 90), Fabinyo, Mane, Diogu Jota (Firmino, 56), Dias (Saloh, 56).
Ogohlantirish: Firmino (63).
Izoh (0)