Professional boksning og‘ir vazn toifasida (+90,7 kg) harakat qilib kelayotgan Bahodir Jalolov Probellum kompaniyasi bilan qo‘shma hamkorlik bo‘yicha promouterlik shartnomasini imzoladi. Bu haqida kompaniya Instagram sahifasida ma’lum qilindi.
Jalolov Dibella Entertainment bilan bir qatorda Probellum kompaniyasi bilan ham ishlaydi.
Bahodir Probellum doirasidagi ilk jangini 18-mart kuni polshalik Kamil Sokolovskiga qarshi o‘tkazadi.
Ma’lumot uchun, Jalolov prof boksda umumiy hisobda 9 ta jang o‘tkazib, ularning barchasida raqiblarini nokautga uchratgan. U so‘nggi jangini dekabr oyida kolumbiyalik Xulio Sezar Kalimenoga qarshi o‘tkazib, birinchi raunddayoq nokaut bilan g‘alaba qozongandi. Ungacha esa 2021-yilning aprel oyida latviyalik Kristaps Zuitsni nokaut evaziga taslim etgan.
Probellum kompaniyasi britaniyalik biznesmen tomonidan 2021-yilda tashkil etilgan. Kompaniyaga taniqli promouter Richard Shefer prezidentlik qilmoqda.
Izoh (0)