Профессионал бокснинг оғир вазн тоифасида (+90,7 кг) ҳаракат қилиб келаётган Баҳодир Жалолов Probellum компанияси билан қўшма ҳамкорлик бўйича промоутерлик шартномасини имзолади. Бу ҳақида компания Instagram саҳифасида маълум қилинди.
Жалолов Dibella Entertainment билан бир қаторда Probellum компанияси билан ҳам ишлайди.
Баҳодир Пробеллум доирасидаги илк жангини 18 март куни польшалик Камил Соколовскига қарши ўтказади.
Маълумот учун, Жалолов проф боксда умумий ҳисобда 9 та жанг ўтказиб, уларнинг барчасида рақибларини нокаутга учратган. У сўнгги жангини декабрь ойида колумбиялик Хулио Цезарь Калименога қарши ўтказиб, биринчи раунддаёқ нокаут билан ғалаба қозонганди. Унгача эса 2021 йилнинг апрель ойида латвиялик Кристапс Зуитсни нокаут эвазига таслим этган.
Probellum компанияси британиялик бизнесмен томонидан 2021 йилда ташкил этилган. Компанияга таниқли промоутер Ричард Шефер президентлик қилмоқда.
Изоҳ (0)