Angliyaning Esseks grafligida 11-mart, juma kuni professional boks kechasi bo‘lib o‘tadi.
Mazkur jang oqshomida professional boksning ikkinchi yarim yengil (-55,34 kg) vazn toifasi vakili Shahobiddin Zoirov (3-0, 2 KO) ham ishtirok etadi. O‘zbekistonlik bokschi britaniyalik Brett Fidoga (15-68, 7 KO) qarshi ringga chiqadi.
Musobaqa Toshkent vaqti bilan 11-martdan 12-martga o‘tar kechasi bo‘lib o‘tadi. Jang videosini bu yerda tomosha qilish mumkin — havola.
Shahobiddin shu kunga qadar professional boksda uchta jang o‘tkazib, uchalasida ham g‘alaba qozongandi. Debyut jangida indoneziyalik Entoni Holtni nokaut hisobiga mag‘lub etgan bo‘lsa, ikkinchi jangida gruziyalik Mishiko Shubitidzeni ham nokautga uchratgan. Uchinchi jangida hindistonlik Sandib Singh ustidan ochkolar hisobiga g‘alaba qozongan.
Izoh (0)