Portugaliya va Shotlandiya chempionati o‘yinlari “Match TV” kanalida translyatsiya qilinmaydi.
Telekanal bosh prodyuseri Aleksandr Tashinning xabariga ko‘ra, Portugaliya va Shotlandiya futbol ligalari bilan mavjud shartnomalar to‘xtatilgan.
Mart oyining boshida Fransiya professional futbol ligasi Rossiyaning “Match-TV” kanali bilan hamkorlikni to‘xtatgani, shu bois Liga 1 o‘yinlari Rossiyada namoyish etilmasligi ma’lum qilingandi.
Avvalroq APL Rossiyada o‘yinlar translyatsiyasi to‘xtatilganini e’lon qilgandi.
Bungacha Xalqaro boks assotsiatsiyasi (IBA) rossiyalik va belarusliklar bokschilarga xalqaro musobaqalarda qatnashishni taqiqlagandi, Butunjahon boks tashkiloti (WBO), Xalqaro boks federatsiyasi (IBF), Butunjahon boks kengashi (WBC), Butunjahon boks assotsiatsiyasi (WBA) Ukrainadagi vaziyat tufayli Rossiyadagi janglarni tan olmasligini ma’lum qilgandi. FIFA Rossiya futbol terma jamoasini JCh—2022 o‘tish o‘yinlaridan, UEFA esa rus klublarini Yevrokuboklardan chetlatgan edi.
Izoh (0)