AQShda genetik o‘zgartirilgan cho‘chqaning yuragi ko‘chirib o‘tkazilgan birinchi bemor vafot etdi. Bu haqda Merilend universiteti kasalxonasiga tayanib, “TASS” xabar berdi.
“Yurak kasalligi bilan og‘rigan 57 yoshli Devid Bennet 8-mart kuni tushdan keyin vafot etdi”, — deyiladi universitet ma’lumotnomasida.
Qayd etilishicha, bemorning ahvoli bir necha kun avval yomonlasha boshlagan.
Bennetga hayvon organi 7-yanvar kuni o‘tkazilgan edi, operatsiya bunday turdagi birinchi amaliyot bo‘lgan. “Operatsiyadan so‘ng transplantatsiya qilingan yurak bir necha hafta davomida hech qanday rad etish belgilarisiz juda yaxshi ishladi”, — deyiladi xabarda.
Kasalxonaning ta’kidlanishicha, operatsiya genetik jihatdan o‘zgartirilgan cho‘chqa yuragi, agar immunitet “yetarli darajada bostirilgan” bo‘lsa, odamlarda yaxshi ishlashi mumkinligi haqida ma’lumot bergan.
“Biz optimizmni saqlab qolamiz va kelgusidagi klinik sinovlarda o‘z ishimizni davom ettirishni rejalashtirmoqdamiz”, — deya dasturning ilmiy rahbari doktor Muhammad Mohiuddinning so‘zlaridan iqtibos keltirgan shifoxona sayti.
Izoh (0)