IELTS — ingliz tilini bilish darajasini baholaydigan xalqaro tizim Ukrainadagi urush fonida “tashqi siyosiy vaziyatning keskinlashuvi tufayli” Rossiyadagi imtihonlarning barchasini bekor qildi. Imtihon topshirishni rejalashtirganlarga bu haqda xat kelgan, deb yozmoqda “Kommersant”.
“Tashqi siyosiy vaziyatning keskinlashuvi natijasida Rossiya Federatsiyasida IELTS imtihonlarini oluvchilar – British Council & Cambridge Assessment English qarori bilan barcha IELTS imtihonlarining sessiyalari to‘xtatildi”, — deyiladi maktubda.
Kompaniya imtihon uchun qilingan to‘lovlarni zudlik bilan unga tayyorgarlik kurslariga o‘tkazishni taklif qilgan. Aks holda Rossiyada imtihonlar qayta tiklanmaguncha to‘lov pullari muzlatiladi. Imtihonlar yana qachon o‘tkazilishiga IELTS aniqlik kirita olmagan.
“Afsuski, hozir bizda registratsiya uchun yangi sanalar haqida aniq ma’lumot yo‘q, ammo biz sizning imtihoningizni imkon qadar tezroq tashkil qilish uchun barcha sa’y-harakatlarni amalga oshiramiz”, — deya qo‘shimcha qilgan kompaniya.
Mavzuga doir:
- Rossiya Markaziy banki valyuta berishni chekladi: rossiyaliklar hisob raqamidan 10 ming dollardan ortiq yecha olmaydi, qolgani faqat rublda beriladi
- Estoniya hukumati o‘z fuqarolariga Rossiya va Belarus harbiylariga yordam ko‘rsatishni taqiqladi
- Video: Rossiya bo‘ylab urushga qarshi aksiyalar bo‘lib o‘tmoqda. Politsiya namoyishchilarni ommaviy hibsga olmoqda