АҚШда генетик ўзгартирилган чўчқанинг юраги кўчириб ўтказилган биринчи бемор вафот этди. Бу ҳақда Мериленд университети касалхонасига таяниб, «ТАСС» хабар берди.
«Юрак касаллиги билан оғриган 57 ёшли Дэвид Беннет 8 март куни тушдан кейин вафот этди», — дейилади университет маълумотномасида.
Қайд этилишича, беморнинг аҳволи бир неча кун аввал ёмонлаша бошлаган.
Беннетга ҳайвон органи 7 январь куни ўтказилган эди, операция бундай турдаги биринчи амалиёт бўлган. «Операциядан сўнг трансплантация қилинган юрак бир неча ҳафта давомида ҳеч қандай рад этиш белгиларисиз жуда яхши ишлади», — дейилади хабарда.
Касалхонанинг таъкидланишича, операция генетик жиҳатдан ўзгартирилган чўчқа юраги, агар иммунитет «етарли даражада бостирилган» бўлса, одамларда яхши ишлаши мумкинлиги ҳақида маълумот берган.
«Биз оптимизмни сақлаб қоламиз ва келгусидаги клиник синовларда ўз ишимизни давом эттиришни режалаштирмоқдамиз», — дея дастурнинг илмий раҳбари доктор Муҳаммад Моҳиуддиннинг сўзларидан иқтибос келтирган шифохона сайти.
Изоҳ (0)