Yevropa ittifoqi 14 nafar rossiyalik katta biznesmen, ularning oila a’zolari va DXR hamda LXR mustaqilligi to‘g‘risidagi kelishuvlarni ratifikatsiya qilinishini yoqlab ovoz bergan Federatsiya kengashining 146 nafar a’zosiga nisbatan sanksiyalar qo‘lladi. Bu haqda YI rasmiy jurnalida ma’lum qilingan.
Taqiqlarga uchragan tadbirkorlarning ism-shariflari Financial Times nashrida ham e’lon qilingan. Nashrning qayd etishicha, ro‘yxatdagilarning ko‘pchiligi Rossiya prezidenti Vladimir Putinning Ukrainada maxsus harbiy operatsiyalar boshlanishini e’lon qilgan kuni – 24-fevralda biznes vakillari bilan uchrashuvida ishtirok etgan. Shu sababli YI ularni Putinning “yaqin doira”si sifatida sanksiyalar ro‘yxatiga kiritgan.
Avvalroq Yevropa ittifoqi DXR va LXR bilan hamkorlik hamda ushbu davlatlar mustaqilligini tan olish haqidagi kelishuvlarni ratifikatsiya qilgan Davlat dumasining deyarli barcha deputatlariga nisbatan sanksiyalar joriy qilgandi. Shuningdek ayrim Rossiya banklari ham Yevroittifoq cheklovlari ostida qolgan tushgan, YI shaxsan Vladimir Putin, bir qator rossiyalik amaldorlar, biznesmenlar va propagandachilarga nisbatan sanksiyalar qo‘llagan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)