8-mart holatiga ko‘ra, butun dunyoda koronavirus bilan kasallanganlar soni 447,89 million kishidan oshdi. Bu haqda virus tarqalishini real vaqt rejimida kuzatib borayotgan Jons Xopkins universiteti ma’lumotlarida keltirilgan.
Dunyoda COVID-19 pandemiyasi boshlanganidan buyon 6 007 324 kishi vafot etgan. Kasallanish soni 20 milliondan ortiqni tashkil etuvchi mamlakatlar qatoridan AQSh, Hindiston, Braziliya va Fransiya o‘rin olgan.
Koronavirusga chalinish va uning oqibatida yuzaga kelgan o‘lim holatlari bo‘yicha AQSh yetakchilik qilmoqda — mamlakatda 79,3 milliondan ortiq odamda COVID-19 tasdiqlangan va 960 mingdan ortiq odam virus asoratlari oqibatida vafot etgan.
Kasallanish soni bo‘yicha ikkinchi o‘rinda Hindiston ketmoqda — koronavirusga chalinganlar soni 42,9 million kishidan oshgan va 515 mingdan ortiq bemor vafot etgan. Braziliya 29 mingdan ortiq kasallanish va 652 mingdan ortiq o‘lim holati bilan uchinchi o‘rinni egallagan.
Fransiyada esa hozirga qadar 23,2 million kishida COVID-19 aniqlangan hamda 140 mingdan ortiq bemor vafot etgan.
Dunyodagi muhim hodisalarning statistik ma’lumotlariga ixtisoslashgan Worldometer ma’lumotlariga ko‘ra, sayyorada har 1 million kishiga o‘lim koeffitsiyenti 773,3 ni tashkil etmoqda. AQShda har 1 million kishiga nisbatan 2 950 kishi, Hindistonda — 367 kishi, Braziliyada — 3033 kishi, Fransiyada esa 2129 kishi vafot etgan.
Izoh (0)