“Change.org” saytida Rossiya prezidenti Vladimir Putinni “hammasiga hamma” tamoyili asosida asirlar va qurbonlarni Ukraina bilan almashishni boshlashga chaqiruvchi petitsiya paydo bo‘ldi.
“Bunday jarayonlar xalqaro shartnomalarda ko‘zda tutilgan va insonparvarlik nuqtayi nazaridan, asirga olingan rossiyalik harbiy xizmatchilar o‘z oilalariga qaytishlari, qurbonlar bilan esa ularning qarindoshlari va do‘stlari vidolashishi uchun imkon qadar tezroq amalga oshirilishi kerak”, — deyiladi petitsiyada.
Shuningdek, petitsiya mualliflari qurbon va asirlarni almashish vaqtida tomonlardan o‘t ochish rejimini to‘xtatishga rioya qilishni so‘ragan.
Ayni vaqtga qadar petitsiyaga 800 dan ortiq odam imzo qo‘ygan bo‘lib, ular orasida rejissor Aleksandr Sokurov, “DDT” guruhi yetakchisi Yurit Chevchuk, “Mitki” ijodiy guruhi rassomi Dmitriy Shagin, tarixchilar Lev Lurye, Irina Levinskaya va Anatoliy Razumov, yozuvchi Nina Katerli, deputatlar Borish Vishnevskiy va Aleksandr Shishlov, “Yabloko” partiyasi a’zolari Anatoliy Golov va Yuriy Nesterov, inson huquqlari himoyachilari Nataliya Yevdokimova, Oksana Paramonova, Yevgeniya Litvinova va boshqalar bor.
Avvalroq Rossiya harbiylari “sukunat rejimi”ni e’lon qilib, Kiyev, Xarkov, Sumi hamda Mariupol viloyatlaridan tinch aholining chiqib ketishi uchun gumanitar koridorlar ochayotgani to‘g‘risida xabar berilgandi. Ta’kidlanishicha, gumanitar koridorlar “halokatli gumanitar vaziyat” hisobga olingan holda hamda Fransiya prezidenti Emmanuel Makronning Rossiya prezidenti Vladimir Putindan shaxsiy iltimosi sabab ochilmoqda.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)