8 март ҳолатига кўра, бутун дунёда коронавирус билан касалланганлар сони 447,89 миллион кишидан ошди. Бу ҳақда вирус тарқалишини реал вақт режимида кузатиб бораётган Жонс Хопкинс университети маълумотларида келтирилган.
Дунёда COVID-19 пандемияси бошланганидан буён 6 007 324 киши вафот этган. Касалланиш сони 20 миллиондан ортиқни ташкил этувчи мамлакатлар қаторидан АҚШ, Ҳиндистон, Бразилия ва Франция ўрин олган.
Коронавирусга чалиниш ва унинг оқибатида юзага келган ўлим ҳолатлари бўйича АҚШ етакчилик қилмоқда — мамлакатда 79,3 миллиондан ортиқ одамда COVID-19 тасдиқланган ва 960 мингдан ортиқ одам вирус асоратлари оқибатида вафот этган.
Касалланиш сони бўйича иккинчи ўринда Ҳиндистон кетмоқда — коронавирусга чалинганлар сони 42,9 миллион кишидан ошган ва 515 мингдан ортиқ бемор вафот этган. Бразилия 29 мингдан ортиқ касалланиш ва 652 мингдан ортиқ ўлим ҳолати билан учинчи ўринни эгаллаган.
Францияда эса ҳозирга қадар 23,2 миллион кишида COVID-19 аниқланган ҳамда 140 мингдан ортиқ бемор вафот этган.
Дунёдаги муҳим ҳодисаларнинг статистик маълумотларига ихтисослашган Worldometer маълумотларига кўра, сайёрада ҳар 1 миллион кишига ўлим коэффициенти 773,3 ни ташкил этмоқда. АҚШда ҳар 1 миллион кишига нисбатан 2 950 киши, Ҳиндистонда — 367 киши, Бразилияда — 3033 киши, Францияда эса 2129 киши вафот этган.
Изоҳ (0)