Ukrainadagi urush vaqtida kamida 351 nafar tinch aholi vakili halok bo‘lgan, 707 nafar odam yaralangan. Bu haqda BMT Inson huquqlari bo‘yicha Oliy komissari boshqarmasi 4-mart yakunlari bo‘yicha berilgan ma’lumotlarga tayanib xabar qilgan.
Halok bo‘lganlarning 22 nafari voyaga yetmaganlar. Kamida 36 nafar bola turli darajadagi tan jarohatlarini olgan.
24-fevral kuni Rossiya prezidenti Vladimir Putin Donbass aholisini himoya qilish, Ukrainani “demilitarizatsiya” va “denasifikatsiya qilish” uchun “maxsus harbiy operatsiya” boshlanganini e’lon qildi. Kreml gap “harbiy salohiyatni zararsizlantirish” va “Ukrainani natsistlardan tozalash” haqida ketayotganini tushuntirdi. Putinning bayonotidan keyin Ukraina shaharlari bir necha bor o‘qqa tutildi. 1-mart kuni ertalab Xarkovdagi viloyat ma’muriyati binosi joylashgan Ozodlik maydoniga raketa hujumiga uchragan. Portlash oqibatida yetti kishi halok bo‘ldi, 20 dan ortiq odam jarohatlandi. Ukraina prezidenti Vladimir Zelenskiy raketa zarbasini “ochiqdan ochiq terror” deb atadi.
2-mart kuni Rossiya Mudofaa vazirligi Ukrainadagi harbiy operatsiyalardagi yo‘qotishlar haqida ma’lumot berib, urushda Rossiya tomonidan 500 ga yaqin askar halok bo‘lgani ma’lum qildi.
Avval BMT Inson huquqlari bo‘yicha Oliy komissari boshqarmasi Ukrainada 24-fevral kuni boshlangan harbiy harakatlar davomida kamida 227 nafar fuqaro halok bo‘lgan va 525 kishi jarohat olganini xabar qilgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
- The Times: Bir haftada Zelenskiyning hayotiga uch marta suiqasd uyushtirilgan
- Putin Ukraina bilan urushda halok bo‘lganlarning oilalariga qo‘shimcha 5 million rubldan to‘lanishini e’lon qildi
- BMT Rossiya qo‘shinlarini Ukrainadan olib chiqishni talab qiluvchi rezolyutsiya qabul qildi. Unga faqat Rossiya va yana 4 ta davlat qarshi ovoz bergan
Izoh (0)