Украинадаги уруш вақтида камида 351 нафар тинч аҳоли вакили ҳалок бўлган, 707 нафар одам яраланган. Бу ҳақда БМТ Инсон ҳуқуқлари бўйича Олий комиссари бошқармаси 4 март якунлари бўйича берилган маълумотларга таяниб хабар қилган.
Ҳалок бўлганларнинг 22 нафари вояга етмаганлар. Камида 36 нафар бола турли даражадаги тан жароҳатларини олган.
24 февраль куни Россия президенти Владимир Путин Донбасс аҳолисини ҳимоя қилиш, Украинани «демилитаризация» ва «денасификация қилиш» учун «махсус ҳарбий операция» бошланганини эълон қилди. Кремль гап «ҳарбий салоҳиятни зарарсизлантириш» ва «Украинани нацистлардан тозалаш» ҳақида кетаётганини тушунтирди. Путиннинг баёнотидан кейин Украина шаҳарлари бир неча бор ўққа тутилди. 1 март куни эрталаб Харьковдаги вилоят маъмурияти биноси жойлашган Озодлик майдонига ракета ҳужумига учраган. Портлаш оқибатида етти киши ҳалок бўлди, 20 дан ортиқ одам жароҳатланди. Украина президенти Владимир Зеленский ракета зарбасини «очиқдан очиқ террор» деб атади.
2 март куни Россия Мудофаа вазирлиги Украинадаги ҳарбий операциялардаги йўқотишлар ҳақида маълумот бериб, урушда Россия томонидан 500 га яқин аскар ҳалок бўлгани маълум қилди.
Аввал БМТ Инсон ҳуқуқлари бўйича Олий комиссари бошқармаси Украинада 24 февраль куни бошланган ҳарбий ҳаракатлар давомида камида 227 нафар фуқаро ҳалок бўлган ва 525 киши жароҳат олганини хабар қилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Мавзуга доир:
- The Times: Бир ҳафтада Зеленскийнинг ҳаётига уч марта суиқасд уюштирилган
- Путин Украина билан урушда ҳалок бўлганларнинг оилаларига қўшимча 5 миллион рублдан тўланишини эълон қилди
- БМТ Россия қўшинларини Украинадан олиб чиқишни талаб қилувчи резолюция қабул қилди. Унга фақат Россия ва яна 4 та давлат қарши овоз берган
Изоҳ (0)