Ukraina prezidenti Vladimir Zelenskiy Kiyevdan hech qayerga ketmaganini ma’lum qildi. Oldinroq Ukraina yetakchisi, Rossiya Davlat dumasi spikeri Vyacheslav Volodin qochib ketgani haqida gapirgandi.
“Har ikki kunda bir meni Ukrainada, Kiyevda, ofisimdan qochib ketganim to‘g‘risida ma’lumotlar paydo bo‘lmoqda. Men o‘z joyimdaman… Hech kim hech qayerga qochib ketmadi”, — deydi Zelenskiy videomurojaatida.
U, shuningdek, prezident ofisining rahbari Andrey Yermak ham Kiyevda ekanini ta’kidlagan. “Biz yugurishni yaxshi ko‘ramiz, lekin hozir turli kardio mashg‘ulotlarga vaqt yo‘q”, — deya qo‘shimcha qiladi davlat rahbari.
Volodin Ukraina Oliy radasi deputatlariga tayanib, Zelenskiy Polshaga qochib ketganini ma’lum qilgan. Uning so‘zlariga ko‘ra, deputatlar Lvovda prezident qabuliga kira olmagan. Oliy rada esa buni rad etmoqda.
Avvalroq Britaniyaning The Times gazetasi so‘nggi bir hafta ichida Ukraina prezidenti Vladimir Zelenskiyning hayotiga kamida uch marta suiqasd uyushtirilgani to‘g‘risida xabar bergandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)