Jangovar harakatlar vaqtida Ukrainada bo‘lib turgan Gollivud aktyori va rejissori urush hududini tark etishga majbur bo‘ldi. Afsuski, bu safar odatdagidek hashamatli transfer taqdim etilmadi. Shu sababli Shon Penn Polshaga borish uchun bir necha kilometr piyoda yurdi.
“Ikki hamkasbim bilan mashinani yo‘l chetida qoldirib, Polsha chegarasigacha bir necha chaqirim yo‘l yurdik. Bu suratdagi deyarli barcha mashinalarda faqat ayollar va bolalar bor, ularning aksariyatida hech qanday yuk yo‘q, mashina esa ularning eng qadrli narsasiga aylangan”, — deb yozdi Shon Penn Twitter’da.
Eslatib o‘tamiz, “Oskar” sovrindori Ukraina haqidagi hujjatli film ustida ishlashni davom ettirish uchun 2022-yil 23-fevral kuni Kiyevga tashrif buyurgan. Biroq ertasi kuni butun dunyo bo‘ylab Rossiya tomonidan boshlangan harbiy harakatlar boshlangani haqida xabar tarqaldi.
Mavzuga doir:
- Jorjio Armani Ukrainadagi voqealar tufayli yangi modalar namoyishini musiqasiz, mutlaq sukunatda o‘tkazdi (video)
- Gollivud yulduzlari Rayan Reynolds va Bleyk Layvli ukrainalik qochoqlar uchun million dollar xayriya qildi
- Anjelina Joli Ukrainadagi vaziyatga munosabat bildirib, tinch aholiga yordam berishini ma’lum qildi
Izoh (0)