Жанговар ҳаракатлар вақтида Украинада бўлиб турган Голливуд актёри ва режиссёри уруш ҳудудини тарк этишга мажбур бўлди. Афсуски, бу сафар одатдагидек ҳашаматли трансфер тақдим этилмади. Шу сабабли Шон Пенн Польшага бориш учун бир неча километр пиёда юрди.
«Икки ҳамкасбим билан машинани йўл четида қолдириб, Польша чегарасигача бир неча чақирим йўл юрдик. Бу суратдаги деярли барча машиналарда фақат аёллар ва болалар бор, уларнинг аксариятида ҳеч қандай юк йўқ, машина эса уларнинг энг қадрли нарсасига айланган», — деб ёзди Шон Пенн Twitter’да.
Эслатиб ўтамиз, «Оскар» совриндори Украина ҳақидаги ҳужжатли фильм устида ишлашни давом эттириш учун 2022 йил 23 февраль куни Киевга ташриф буюрган. Бироқ эртаси куни бутун дунё бўйлаб Россия томонидан бошланган ҳарбий ҳаракатлар бошлангани ҳақида хабар тарқалди.
Мавзуга доир:
- Жоржио Армани Украинадаги воқеалар туфайли янги модалар намойишини мусиқасиз, мутлақ сукунатда ўтказди (видео)
- Голливуд юлдузлари Райан Рейнолдс ва Блейк Лайвли украиналик қочоқлар учун миллион доллар хайрия қилди
- Анжелина Жоли Украинадаги вазиятга муносабат билдириб, тинч аҳолига ёрдам беришини маълум қилди
Изоҳ (0)